5 март куни Меҳнат, ижтимоий таъминот ва миграция вазирлиги қошидаги Республика протез ва ортопедик маҳсулотлар институтида Францияда ишлаб чиқарилган 3D сканер ва 3D принтер тақдимоти бўлиб ўтди.
Қиймати 45 850 евро бўлган ускуналар республика бюджетидан сотиб олинди.
Ушбу технологиялардан протезлар соҳасида фойдаланиш МДҲ мамлакатлари орасида биринчи марта амалга оширилмоқда.
Муассаса ҳозирда 13 000 дан ортиқ ногирон фуқароларга хизмат кўрсатади. Улардан 1396 нафари пастки оёқ-қўл протезлари ва 443 нафари юқори оёқ-қўл протезлари билан таъминланган. Жами 150 дан ортиқ протез ва ортопедик маҳсулотлар алоҳида ишлаб чиқарилмоқда.
Мутахассисларнинг фикрига кўра, 3D технологиялар протезларни ишлаб чиқариш аниқлигини ошириш, ўлчовларни олиш ва уларни кийиш жараёнини қисқартириш, шунингдек, беморларни реабилитация қилишни осонлаштириш имконини беради.
