Қирғизистонда оилада зўравонлик қилган 15 нафар жиноятчига биринчи марта электрон билагузуклар тақилди. Бу ҳақда Адлия вазири Аяз Баетов маълум қилди.
Унинг сўзларига кўра, зўравонлик жиноятчиларига 20 кундан 3 ойгача бўлган муддатга электрон билагузук ёки мобил илова ўрнатилади. Лойиҳа Октябр туманида синовдан ўтказилмоқда.
Тизим GPS орқали кузатувни ва Face ID билан мунтазам текширишни ўз ичига олади.
Вазирнинг қўшимча қилишича, лойиҳа келаси ҳафтадан бошлаб бутун мамлакат бўйлаб жорий этилади.
