Қирғизистон Меҳнат, ижтимоий таъминот ва миграция вазирлиги иқтисодиёт соҳалари бўйича ўртача иш ҳақини маълум қилди.
Муассаса Миллий статистика қўмитаси маълумотларига асосланиб, энг юқори ўртача иш ҳақи молия соҳасида — 67 121 сом эканлигини таъкидлади. Саноат соҳасидаги кўрсаткичлар деярли бир хил даражада — ўртача иш ҳақи 66 990 сомни ташкил қилади.
Транспорт соҳасидаги ходимлар ўртача 58 657 сом, қурилишда — 57 472 сом, савдо соҳасида — 47 125 сом ва қишлоқ хўжалигида — 33 462 сом даромад олишади.
Мамлакат бўйича ўртача даромаддан паст даромадлар хизмат кўрсатиш соҳасида — 29 679 сом, соғлиқни сақлаш ва ижтимоий хизматларда — 28 082 сом ва таълимда — 27 054 сом қайд этилди. Энг паст ўртача иш ҳақи маданият соҳасида — 24 861 сом кузатилди.
