Соғлиқни сақлаш вазирлиги республикадаги 541 дан ортиқ хусусий тиббиёт ва фармацевтика ташкилотларида кенг кўламли текширув ўтказди.
Департамент маълумотларига кўра, текширув натижасида 246 та хусусий клиника (45,5 фоиз) амалдаги лицензияларсиз фаолият юритаётгани аниқланди.
Шунингдек, 295 та лицензияга эга субъектдан 110 тасида лицензиялаш талабларини қўпол равишда бузиш ҳолатлари аниқланди. Буларга сертификатсиз ходимларни ёллаш, тиббий маълумотга эга бўлмаган одамларни ёллаш, санитария қоидаларига риоя қилмаслик ва рўйхатдан ўтмаган дориларни қўллаш киради.
