Ўшда вояга етмаганларнинг хавфсизлиги ва ҳуқуқларини ҳимоя қилиш мақсадида «Ўсмирлар меҳнати» деб номланган профилактик рейд давом этмоқда. Бу ҳақда Ўш Ички ишлар департаменти матбуот хизмати хабар берди.
Милиция ходимлари шаҳардаги чакана савдо дўконлари, автомобилларни таъмирлаш устахоналари ва бошқа корхоналарга ташриф буюриб, вояга етмаганларнинг иш шароитлари ва уларнинг хавфсизлигини текширмоқда.
Ота-оналар, иш берувчилар ва болаларнинг ўзларига ҳам вояга етмаганларни меҳнатга жалб қилиш тўғрисидаги қонун талаблари тушунтирилмоқда.
Агар қонунбузарликлар аниқланса, тегишли чоралар кўрилиши эълон қилинди.
Шаҳар милициясининг маълумотларига кўра, бундан кейин ҳам рейдлар давом этади.
