“Қора-Кече” кўмир конида кўмир ташувчи ҳайдовчиларга расмий баёнот берилди.
“Қирғизкўмир” корхонаси матбуот хизмати хабарига кўра, агар “Қора-Кече” кўмир конидан қатъий белгиланган нархда олинган кўмир монополияга қарши хизмат томонидан тасдиқланган лимитдан юқори сотилгани аниқланса, бундай ҳайдовчилар “Қора-Кече қора рўйхати”га киритилади ва келажакда кон ҳудудига кириши таъқиқланади.
Айни пайтда конда кўмир нархи бир тонна учун 2460 сом бўлса, Бишкекдаги Монополияга қарши хизмат томонидан тасдиқланган чеклов нархи 6600 сомдан ошмаслиги керак.
Компания таъкидлаганидек, кўмирни 5-6 баробар қимматроқ сотиш ёки нархини сунъий равишда ошириш қонун бузилиши ҳисобланади.
«Биз барча ҳайдовчилардан белгиланган нархларга риоя қилишларини ва қонун доирасида ишлашларини сўраймиз. Фақат бу бизга нархларни барқарор сақлаш ва аҳолини ҳамёнбоп кўмир билан таъминлаш имконини беради», – дейди “Қора-Кече” филиали директори Талант Скандербеков.
