Бугун, 23 сентябр куни Бишкекдаги “Ала-Арча” давлат қароргоҳида Марказий Осиё давлатлари парламентлари иштирокидаги III Парламентлараро форум бошланди.
Форумда Жогорку Кенеш спикери Нурланбек Тургунбек уулу, Қозоғистон Сенати раиси Маулен Ашимбаев, Тожикистон Миллий кенгаши раиси Рустами Эмомали, Ўзбекистон Сенати раиси Танзила Нарбаева иштирок этмоқда.
Туркманистон номидан мамлакатнинг Қирғизистондаги элчиси Нури Голлиев келган.
Тадбирда минтақада парламентлараро ҳамкорликни мустаҳкамлаш, иқтисодий тараққиётни қўллаб-қувватлаш, миграция жараёнларини тартибга солиш, рақамли муҳитни ривожлантириш масалалари муҳокама қилинади.
Эслатиб ўтамиз, биринчи форум 2023 йилда Қозоғистонда, иккинчиси эса 2024-йилда Ўзбекистонда бўлиб ўтган.
