Парижда бўлиб ўтаётган Олимпиада ўйинларида 40 дан ортиқ спортчи COVID-19 билан касалланган. Бу ҳақда Жаҳон соғлиқни сақлаш ташкилоти матбуот котиби Мария Ван Керхове хабар берди.
Унинг сўзларига кўра, сўнгги ойларда кўплаб мамлакатларда мавсумдан қатъи назар COVID-19 билан касалланиш кўпайган.
Маълум қилинишича, 5 нафар австралиялик сув полочиси, сузиш бўйича уч карра Олимпия чемпиони британиялик Адам Пити, австралиялик сузувчи Лани Паллистер, Бельгия терма жамоасидаги бир нечта спортчиларда COVID-19 аниқланган.
Эслатиб ўтамиз, олдинроқ АҚШ Президенти Жо Байден ҳам коронавирусга чалинганди.
