Бугун, 23-май куни Ўзбекистон Олий Мажлиси Сенати раиси Танзила Нарбоева Бишкек шаҳрига иш сафари билан келди.
Парламент хабарига кўра, фахрий меҳмонни “Манас” аэропортидан Жогорку Кенеш спикери ўринбосари Жамила Исаева кутиб олди.
Эслатиб ўтамиз, бугун биринчи марта Марказий Осиё давлатлари етакчи аёлларининг “Марказий Осиё мамлакатлари иқтисодиётида аёлларнинг ўрни: рақамли, ижтимоий ва экологик инновацияларни илгари суришда етакчилик” мавзусида учрашуви бўлиб ўтмоқда.
Унда иштирок этиш учун Қозоғистон парламенти Мажилиси раиси ўринбосари Дания Эспаева, Туркманистон Мажлисининг Фан, таълим, маданият ва ёшлар сиёсати қўмитаси раиси Баҳар Сейидова ҳам ташриф буюрди. Тожикистон ҳукумати ҳузуридаги Хотин-қизлар ва оила масалалари қўмитаси раисининг биринчи ўринбосари Фируза Нуруллозода бошчилигидаги делегация эса онлайн тарзда иштирок этмоқда.
