Аввалроқ ўнлаб одам Эмилбек Жусупов асос солган «Эмаком» қурилиш компаниясидан уй сотиб олганини, бироқ уйлар ҳамон уларга топширилмаганидан шикоят қилган эди. Депутатнинг ўзи ҳозирда ушбу компанияга алоқаси йўқлигини айтмоқда.
Жўқорғу Кенеш депутати Эмилбек Жусупов 20 апрель куни Марказий сайлов комиссияга депутатлик ваколатларини муддатидан олдин тугатиш тўғрисида ариза топширди.
Бу ҳақда МСК вакиллари Абдижапар Бекматов ва Акбалиқ Жумалиева Озодлик радиосига маълум қилди.
Эмилбек Жусуповнинг аризаси МСКнинг навбатдаги йиғилишида кўриб чиқилиши кутилмоқда.
Жусупов 2021 йилда «Ишеним» партиясидан депутат этиб сайланган.
Аввалроқ ўнлаб одам Эмилбек Жусупов асос солган «Эмаком» қурилиш компаниясидан уй сотиб олганини, бироқ уйлар ҳамон уларга топширилмаганидан шикоят қилган. Депутатнинг ўзи ҳозирда ушбу компанияга алоқаси йўқлигини айтмоқда.
2023 йилнинг ноябрида депутатнинг укаси, «Эмаком» компаниясининг раҳбари Мелис Жусупов ҳибсга олинган эди. У фирибгарликда айбланмоқда.
