Давлат тараққиёт банки давлат «Мега» («Альфа Телеком» ОАЖ) уяли алоқа операторининг 100 фоиз акцияларини сотиб олди. Бу ҳақда Давлат мулкини бошқариш бўйича давлат агентлиги билдирди.
Давлат банки «Мега»ни 14 миллиард 800 миллион сомга сотиб олгани таъкидланади. Қизиғи шундаки, Давлат банкининг ягона акциядори Вазирлар Маҳкамасининг ўзи ҳисобланади.
«Мега»нинг акциялари жорий йилнинг июль ойида сотувга қўйилган. 2 октябрда уяли алоқа операторини электрон аукционда иштирок этиш учун аризалар келиб тушмагани учун биринчи уринишда сотишнинг имкони бўлмаган. Шу муносабат билан ким ошди савдоси 11 октябрга кўчирилди ва унда икки муассаса – Давлат тараққиёт банки ва Давлат ипотека компанияси иштирок этди.
Давлат тараққиёт банки 2022 йилда ташкил этилган. Яқинда президент Давлат тараққиёт банки бўйича қонунни имзолади, унга кўра, Давлат тараққиёт банкига «Банк ва банк фаолияти тўғрисида» қонуннинг ҳамда мамлакат Миллий банкининг норматив-ҳуқуқий актларини кучи тақсимланмайди.
Президент матбуот котиби Эрбол Султанбаев бунга қадар «Мегаком» («Мега») уяли алоқа операторини Давлат тараққиёт банки сотиб олишини маълум қилган. Султанбаев бу билан уяли алоқа оператори давлат назорати остида қолади ва «мамлакат иқтисодиёти ривожига ҳисса қўшишда давом этишини» қўшимча қилган.
MegaCom (ҳозир MEGA) алоқа оператори Қирғизистонда 2006 йилда иш бошлаган. 2010 йилнинг апрелидаги давлат тўнтариши натижасида ҳукуматга келган вақтинчалик ҳукумат ўзининг декрети орқали компаниянинг 49% акциясини миллийлаштирган. Тўрт йил ўтиб «Мегаком» тўлиқ давлат тасарруфига ўтган.
Ҳукумат компанияни ёки унинг улушини 2011 йилдан бери сотишга ўн мартадан кўп уриниб кўрган.
