Бугун, 31 август куни Ўш шаҳрида Кўкбўру бўйича Президент кубоги бўлиб ўтди. Ўйин жанжал ва тартибсизликлар билан якунланди.
Кубок “Тўлўйкўн” номли ипподромда бўлиб ўтган ва Қирғизистон мустақиллигининг 32 йиллигига бағишланган. Финалга “Дўстук” (Ўш) ва “Интимақ” (Талас) жамоалари чиқди. Ўйин натижасига кўра, ғалаба “Интимақ” жамоасига насиб этган, бироқ маҳаллий томошабинлар ҳакамдан норози бўлишган.
Норози томошабинлар оломон майдонга югуришган. Айрим маълумотларга кўра, ҳакам калтакланган. Шунингдек, тартибсизликлар пайтида бир киши жабрланган. Милиция ҳакамни майдондан олиб чиқиб кетди ва тергов бошлаган.
