Ўш вилояти Ички ишлар бошқармаси матбуот хизматига кўра, воқеадан икки киши ҳалок бўлган, яна уч киши яраланган, улардан икки нафари ёш болалардир. Жабрланганлар “Деу-Нексия” русумли автомашинанинг орқа салонида ўтирган, сув қувури қулаган жойда.
“12 август куни соат 09:40 атрофида Олой туманида яшовчи, 1976-йилда туғилган К.К. исмли фуқаро ўзининг оғир вазнли “J-FANG” русумли автомашинасини Қорасув тумани Наримон қишлоғи Насирдинов кўчаси бўйлаб ҳайдаб кетаётиб, баландликка эътибор бермай ўтаётганда йўл устидаги сув қувурига урилган ва шикастланган. Оқибатда мазкур сув қувури шу йўлнинг қарама-қарши бўлагида ҳаракатланаётган “Деу-Нексия” русумли автомашинанинг устига қулаган. Автомашинанинг олдинги салонида ўтирган икки киши воқеа жойида вафот этган. Автомобилнинг орқа қисми салонда бўлган уч киши, улардан икки нафари ёш болалар жароҳат олиб, касалхонага ётқизилди”, дейилади милиция хабарида.
Йўл ҳаракати қоидалари талаблари бузилганлигини аниқлаш мақсадида суд-тиббиёт ва суд автотехника ва трекологик экспертизалар тайинланган. Ҳозирда тергов ишлари олиб борилмоқда.
Ижтимоий тармоқларда диаметри тахминан 1 метр бўлган сув қувурининг оғир юк машинасига осилиб тушиб, қулагани акс этган видеолар эълон қилинди.
Маълум бўлишича, юк машинасига бириктирилган систернадаги давлат рақами Хитойга тегишли. Айтилишича, юк машинаси Қирғизистон-Хитой чегарасидан — Эргештом бекатидан келаётган бўлган.
