Ҳозир Миллий банк ихтиёрида 46,7 тонна олтин бор. Бу ҳақда 28 февраль куни Миллий банк расмий вакили Аида Қорабаева матбуот анжумани чоғида маълум қилди.
Унинг таъкидлашича, бу Қирғизистонда 2021 йилдан бери қазиб олиниб, ишлаб чиқарилган, Миллий банк томонидан сотиб олинган олтин.
Қорабаеванинг сўзларига кўра, Миллий банкнинг халқаро олтин-валюта захирасидаги 16 тонна олтини 87,3 миллиард сомга тенг. Бундан ташқари, захирадаги олтин 138,5 миллиард сомга тенг.
Аввалроқ Вазирлар Маҳкамаси раиси Оқилбек Жапаров «Кабар» давлат ахборот агентлигига берган интервьюсида «Қумтор» конининг Қирғизистонга ўтганидан буён ўтган икки йил ичида 45 тонна олтин ва 8 тонна кумуш йиғилганини маълум қилганди.
