Бишкек мерияси «Бишкек монорельслик транспорт тизими» лойиҳасини ишлаб чиқди ва видеони YouTube каналига юклади.
Хусусан, шаҳар мэрияси вагонларни ердан 5-7 метр баландликда қурилган бир рельсли йўлда қатнашини режалаштирмоқда. Лойиҳанинг асосий мақсади – йўл ҳаракати хавфсизлигини ошириш ва жамоат транспорти сифатини яхшилашдир.
«Лойиҳа жуда қиммат ва кўп вақт талаб этади. Аммо биз орқада қолмаслик ва янги ютуқларга эришишимиз керак. Бундан ташқари, ушбу тизим кўплаб афзалликларга эга. Бу экологик зарарни камайтиради, хавфсизлик ва қулайлик учун янада яхши шароитлар яратади», – деди шаҳар мэрининг ўринбосари Азиз Алимқулов.
Монорельслар Ала-Арча ва Аламедин дарёлари бўйлаб қурилади. Шунинг учун рельсларни қуриш учун бирон бир объектни олиб ташлаш хавфи бўлмаслиги кераклиги айтилади.
Рельсларнинг узунлиги 37 кмни ташкил этади, унга 31 та станция киради. Иккала йўналишда 150-180 кишилик сиғимга эга вагонлар қатнайди.
Монорельс – эстакада орқали рельс орқали ҳаракатланадиган жамоат транспорти туридир.
