Россиянинг Урал ҳаво йўллари авиакомпанияси Россиянинг саккиз шаҳридан Бишкек ва Ўшга чартер рейсларини бошлайди. Бу ҳақда компаниянинг Инстаграм’даги саҳифасида маълум қилинди.
Маълумотларга кўра, қарор Қирғизистон дунёнинг барча давлатлари билан чегараларини очгандан сўнг қабул қилинган. Ҳозирча мунтазам парвозлар ҳақида гап йўқ.
Самолётлар Қирғизистонга Москва (Домодедово аэропорти), Жуковский, Санкт-Петербург, Екатеринбург, Нижневартовск, Қозон, Красноярск ва Самарадан учиб келади.
Чипталар uralairlines.ru веб-сайти, мобил илова ва чиптахоналар орқали сотилмоқда.
Авиакомпания йўловчилар самолётга чиқишдан олдин COVID-19 юқтирилмаганлиги тўғрисида гувоҳнома тақдим этишлари кераклигини огоҳлантиради. ПЦР тестини 72 соат олдин топшириши керак.
Парвозлар жадваллари билан авиакомпания сайтида танишиш мумкин.
