Боткен вилоятининг Чўнг-Тола қишлоғидаги мактабда ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар бермоқда.
Маълумотга кўра, эрталаб соат 08:06 да бошланган ёнғин соат 11:54 да тўлиқ ўчирилган.
Ҳукуматнинг Боткен вилоятидаги ваколатхонаси вакили Чўлпон Бердиқулованинг сўзларига кўра, воқеа содир бўлган пайтда мактабда ўқувчилар бўлмаган.
«180 ўринли мактабда 313 ўқувчи бор. Пандемия пайтида 1, 5, 9 ва 11 синф ўқувчилари ўқишган. Аммо ёнғин пайтида болалар мактабга келмаган», – дейди Бердиқулова.
Ҳозирда фалокат сабаблари аниқланмоқда.
