Қирғизистон президенти Сўўрўнбай Жээнбеков бугун, 15-октябрь куни истеъфога чиқишга қарор қилди. Бир ой ўтгач, давлат раҳбари 62 ёшга тўлган бўлар эди. Аммо Қирғизистоннинг аввалги президентлари сингари у ҳам 61 ёшида истеъфога чиқмоқда.
Қирғизистон Республикасининг биринчи Президенти Асқар Акаев 1944-йил 10-ноябрда туғилган. У мамлакатни 1990-йилдан 2005-йилгача бошқарган.
Қурманбек Бакиев 1949-йилда туғилган. 2005-йилнинг 14-августида у президентлик лавозимини эгаллади. 2010-йилнинг 7-апрелида Қирғизистонда тўнтариш содир бўлди ва у мамлакатдан қочишга мажбур бўлди.
Рўза Ўтунбаева 1950-йил 23-августда туғилган. Апрель инқилобидан кейин у 2010-йилнинг 3-июлидан 2011-йилнинг 1-декабригача вақтинчалик ҳукуматни бошқарган.
Алмазбек Атамбаев 1956-йил 17-сентябрида туғилган. У 2011-йилги президентлик сайловларида ғолиб чиққан. У ваколат муддати тугагандан сўнг 2017-йилда истеъфога чиқди.
Қирғизистоннинг барча беш президенти 61 ёшида истеъфога чиқишган.