Тилек Матраимов уй қамоғига чиқди. Бу ҳақда бугун, 15-октябрь куни Ўш вилоят судига таяниб АКИpress агентлиги хабар берди.
9-октябрь куни Ўш шаҳар суди Тилек Матраимовни бир ойга, 9-ноябргача ҳибсга олган эди.
9-октябрь куни ўзбекистонлик чегарачилар 1967-йилда туғилган Тилек Матраимов, 1989-йилда туғилган Зиябиддинбек Қўчқўрбоев ва 1979-йилда туғилган Маҳсуд Аҳмедовни қирғиз томонига топшириб берган эди.
Миллий хавфсизлик давлат хизмати матбуот хизматининг хабар беришича, фуқаролар 6-октябрь куни қирғиз-ўзбек чегарасини ноқонуний кесиб ўтаётганда қўлга олинган.
Ушбу факт Жиноят кодексининг 358-моддаси асосида Жиноятлар ва қилмишларнинг ягона реестрида рўйхатдан ўтказилиб, давлат чегарасини ноқонуний кесиб ўтиш факти бўйича судгача иш қўзғатилган.
