«Қирғизистон» фракцияси раҳбари Қанатбек Исаев Олий Кенгаш Спикери этиб сайланди. Бу ҳақда бугун, 13-октябрь куни «Ала-Арча» давлат қароргоҳида бўлиб ўтган депутатларнинг навбатдан ташқари йиғилишида маълум қилинди.
Бугунги навбатдан ташқари сессия кун тартибидаги биринчи масала – Олий Кенгаш Спикерини сайлаш». Сайлов яширин овоз бериш орқали ўтказилди. Овоз беришда қатнашган 80 депутатдан 78 нафари Қанатбек Исаев номзодини ёқлаб овоз берди.
Эслатиб ўтамиз, 6-октабрь куни бўлиб ўтган тартибсизликлар муносабати билан «Дўстук» меҳмонхонасида бўлиб ўтган Олий Кенгашнинг навбатдан ташқари йиғилишида собиқ спикер Дастан Жумабеков истеъфога чиқарилди ва унинг ўрнини Миқтибек Абдилдаев эгаллади. Кейин, 10-октабр куни «Ала-Арча» давлат қароргоҳида бўлиб ўтган махсус йиғилишда Миқтибек Абдилдаев раисликдан истеъфога чиқди ва раисликни вице-спикер Мирлан Бакировга топшириб берди.
