Қирғизистон собиқ Совет Иттифоқидан мустақиллигини эълон қилганига 29 йил бўлди. 31 август – Мустақиллик куни нишонланади.
Олий Совет 1990-йилнинг октябрь ойида мамлакат номини Қирғизистон ССР дан Қирғизистон Республикасига ўзгартириб, 15-декабрда Мустақиллик Декларацияси қабул қилинди. 1991-йил 31-августда мамлакатда Мустақиллик куни деб эълон қилинган.
Ушбу сана муносабати билан ҳар йили Бишкек ва вилоятларда байрам тадбирлари ташкил этилади. Бу сафар пандемия сабабли одамларнинг пойтахтдаги Ала-Тоо майдонида бўлиб ўтадиган байрам тадбирида иштирок этишига рухсат берилмайди. Президент Сўўрўнбай Жээнбеков иштирокидаги бир соатлик расмий бўлим телевизор орқали жонли эфирда намойиш этилади.
Маросим тунги соат ўнларда салют билан якунланади.
