Жалолобод вилоятининг Тош-Кўмир шаҳрида 78 ёшли имом ва 26 ёшли шахс никоҳ ёшига оид қонунни бузганликда айбланиб суд қилинди. Бу ҳақда суд қарорида айтилади.
Тергов натижасига кўра, 2019-йилнинг 13-июнь куни 26 ёшли эркак ўсмир қизга уйланиш учун маҳаллий имомга боришган. Ўша вақтда қизнинг онаси Бишкекда бўлган.
Имомнинг сўзларига кўра, у қизнинг никоҳдан ўтиш учун жуда ёшлигини билмаган. Йигит паспортини кўрсатмаган эди, у 18 ёшда эканлигини айтган.
Қизнинг онасининг айтишича, у онасига айтмасдан мустақил равишда турмушга чиқиб кетган. Кейинчалик она қизининг тўйида қатнашиш учун Бишкек шаҳридан келган.
Қизнинг сўзларига кўра, у ихтиёрий равишда турмушга чиққан. Имомга унинг балоғатга етмаганлиги айтилмаган. Ҳозирда ёш оиланинг бир фарзанди бор.
Вояга етмаган қизга уйланган судланувчи айбини тан олди ва у никоҳ ўқилаётганида қизнинг вояга етмаганлигини билганини айтди.
Суд 78 ёшли имомни ҳам, 26 ёшли эркакни ҳам никоҳда айбдор деб топди ва уч йилга озодликдан маҳрум қилди. Уларга 1 йиллик пробациавий кузатув қўлланилиб жазодан озод бўлишди.
