Олий Кенгаш матбуот хизмати раҳбари Ибраим Нурақун ўғлининг анализидан тожливирус қайд қилинди. Бу ҳақда у ижтимоий тармоқдаги саҳифасига ёзди.
Унга кўра, алоқада бўлган инсонлари аниқланиб, улар анализ топшириб, натижасини кутишмоқда.
«Мана шу дам олиш куни тана ҳароратим кўтарилгани сабабли уйда ишлаётган эдим. Эрта билан ишга кетишдан аввал анализ топширдим, шифокорлар менинг анализимдан COVID-19 қайд қилинганини айтишди. Шу сабабли яна 14 кун давомида уйдан чиқмай ишламоқчиман», – деб ёзган.
Ибраим Нурақун ўғлининг сўзларига кўра, ўтган хафтада раис Дастан Жумабеков билан учрашмаган, аммо «Парламентаризм сабоқлари» дастури давомида икки депутат — Ақилбек Жапаров ва Қанибек Иманалиев билан суҳбатлашган.
