4 апрел куни Ўш вилоятининг Новқат туман шифохонасида COVID-19 вируси аниқланган 80 ёшдаги бемор вафот этди. Бу ҳақда Соғлиқни сақлаш вазирлиги маълум қилди.
Вазирлик ҳориждан келган беморга барча керакли тиббий ёрдам кўрсатилгани, бироқ унинг соғлиги кескин ночорлаб, юрак ҳуружига учраганини билдирди.
Бунгача коронавирусга чалинган бир бемор вафот этган.
5 апрелда республикада яна уч одам бу ҳасталикни юқтириб олгани аниқланган. COVID-19 вирусига чалинганларнинг сони 147тага етди. Уларнинг 9нафари шифокорлар. Тўққиз одам бу хасталикдан тузалган.
