Бишкекнинг Тоголок Молдо кўчасида юз берган жанжал иштирокчилари милиция томонидан аниқланиб, бўлимга олиб келинди. Ушбу жанжал акс этган видео аввалроқ ижтимоий тармоқларда тарқалган эди. Бу ҳақда Биринчи Май тумани ички ишлар бошқармаси хабар берди.
Ҳодиса 13 август куни содир бўлган. Икки эркак ўртасида юзага келган жанжал муштлашувга айланган.
Видео ижтимоий тармоқларда тарқалганидан сўнг, ҳолат рўйхатга олиниб, текширув бошланган. Милиция ходимлари жанжал иштирокчиларининг шахсини аниқлади. Улар 1999 йилда туғилган Л.М. ва 1992 йилда туғилган А.Д. Иккаласи ҳам Биринчи Май тумани ички ишлар бошқармасига олиб келинди.
Эркакларга нисбатан Қирғизистон Республикасининг Ҳуқуқбузарликлар тўғрисидаги кодекси 126-моддаси — «Майда безорилик» бўйича баённомалар тузилди. Материаллар кўриб чиқиш учун туман судига юборилди.
