17 август куни Бишкек шаҳар судида «75чилар иши» бўйича апелляция шикоятини кўриб чиқишга оид суд мажлиси давом этди.
Бу галги суд мажлисида «75чилар иши» бўйича айбланган сиёсатчиларнинг адвокатлари Бишкекнинг Биринчи Май туман суди чиқарган ҳукмни бекор қилишнигина эмас, балки ишни тергов қилган терговчилар, прокурорлар ва туман суди судьяси Азирет Медеровга қонунбузарликларга йўл қўйгани учун чора кўришни сўраб илтимоснома киритди.
Туман суди аввалроқ Қамчибек Ташиев, Нурланбек Тургунбек уулу ва Қурманкул Зулушев бошчилигидаги бир қатор сиёсатчиларни «ҳокимиятни куч билан эгаллаб олишга уринган» деб топиб, тўрт йилга озодликдан маҳрум қилган эди. Бироқ уларнинг барчаси уч йиллик пробация назорати остида озодликда қолдирилган.
