Бишкекдаги автобусда қиз билан жанжаллашиб, жабрланган аёл воқеанинг тўлиқ видеосини эълон қилди.
У ижтимоий тармоқнинг айрим фойдаланувчилари можарода уни айблаётганини таъкидлаб, воқеа қандай содир бўлгани ҳақида ўз версиясини айтди.
«Автобусда ёнимда 80 ёшдан ошган кекса одамлар бор эди. Мен қиздан жой бўшатиб беришини сўрадим, у ўрнидан турди. Бир неча бекатдан кейин жой бўшади ва мен ўтирдим. Кейин кимдир телефони билан мени туртиб-туртиб қўя бошлади. Қарасам, ўша қиз экан. У мен нега ундан жой бўшатишни сўраганимни бақириб сўрай бошлади. Мен унга ҳеч қандай ёмон гап айтмаганимни тушунтирдим, аммо у мени ушлай бошлади. Мен ўзимни ҳимоя қилишга мажбур бўлдим», деди аёл.
У жанжал оқибатида мияси чайқалганини, шунингдек, жароҳати тикиб қўйилганини маълум қилди.
Эслатиб ўтамиз, аввалроқ Бишкекдаги №2 автобусда аёл ва ёш қиз ўртасида жанжал юз бергани хабар қилинган.
