Бишкек мэрияси шаҳарнинг шарқий қисмида жойлашган, «160-контур» деб аталадиган экин майдонини босқичма-босқич турар-жой массивига айлантиришни режалаштирмоқда.
Ҳозирда айрим ер участкаларига белгилар қўйилган бўлиб, яқин кунларда йўл қурилиши ишларини бошлаш режалаштирилган.
Бироқ масаланинг иккинчи томони ҳам бор. Ушбу экин майдонида гектарлаб ерда қулупной ва малина етиштириб тирикчилик қилаётган деҳқонлар, ҳосили пишиб етилган бир пайтда ерлари буздирилиши мумкинлигидан хавотирда.
