Ўш шаҳридан борган делегация Ўзбекистоннинг Самарқанд шаҳрида ўтказилган қардош шаҳарларнинг халқаро форумида иштирок этди. Тадбирда Ўзбекистон, Қирғизистон, Туркия, Япония, АҚШ, Франция ва Россия муниципалитетлари, халқаро ташкилотлар ҳамда бизнес вакиллари қатнашди.
Форум доирасида Ўш ва Наманган шаҳарлари ўртасида савдо-иқтисодий, илмий-техникавий, таълим, маданият ва спорт соҳаларида ҳамкорлик қилиш бўйича меморандум имзоланди.
Ўш шаҳар ҳокимлиги аппарати раҳбари Миктибек Осмоналиев бир қатор хорижий ҳамкорлар билан учрашиб, инвестицияларни жалб қилиш, туризмни ривожлантириш ҳамда шаҳар бошқарувини рақамлаштириш бўйича қўшма лойиҳаларни муҳокама қилди.
Халқаро ҳамкорликнинг кенгайиши Ўш шаҳрининг инвестициявий ва туристик салоҳиятини ошириб, барқарор ривожланиш учун янги имкониятларни яратади.
