Ўш шаҳрига кириш қисмидаги (Арка) И. Монуев кўчасидан бошлаб, ушбу кўча билан кесишувчи Помир кўчасида, Ўш вилояти клиник шифохонаси олдигача бўлган йўл қисмида янги ерости пиёдалар ўтиш йўлаги қурилиши муносабати билан қурилиш-монтаж ишлари олиб борилмоқда.
Шу сабаб мазкур йўлнинг бир томони автотранспорт ҳаракати учун вақтинча ёпилди. Автомобиллар ҳаракати йўлнинг иккинчи томони орқали ташкил этилмоқда.
Ҳайдовчилардан йўлда олиб борилаётган қурилиш ишларини тушуниш билан қабул қилишларини, йўл белгилари талабларига амал қилишларини ҳамда имкони бўлса муқобил йўналишлардан фойдаланишларини сўраймиз.
Келтирилган вақтинчалик ноқулайликлар учун олдиндан узр сўраймиз ва тушунганингиз учун миннатдорчилик билдирамиз.
