Ўш шаҳридаги тижорат объекти қурилишида бир қатор қоидабузарликлар аниқланган. Бу ҳақда Қурилиш вазирлиги матбуот хизмати хабар қилди.
Маъулмотга кўра, Давлат архитектура ва қурилиш назорати департаментининг Ўш шаҳар бошқармаси қурилиш майдонларида мониторинг олиб борган. Натижада Б. Осмонов кўчасида жойлашган тижорат объекти қурилишида бир қатор қоидабузарликлар аниқланган.
Хусусан, объектда қурилиш-монтаж ишлари тегишли рухсатномаларсиз олиб борилаётгани аниқланди. Шунингдек, қурилиш стандартлари ва қоидалари талабларига риоя қилмасдан, мувофиқлик сертификати бўлмаган қурилиш материаллари (қум блоклари) ишлатилгани аниқланди.
Натижада, қурилиш ишларини олиб борган «Кунь-Лунь» МЧЖга қоидабузарликларни бартараф этиш бўйича мажбурий кўрсатма берилди. Бундан ташқари, Қирғиз Республикаси қонунчилигига мувофиқ 200 минг сом миқдорида жарима солинган.
Мониторинг натижасида қурилиш стандартлари талабларини бузиб ўрнатилган деворлар буздирилиб, объект бўйича ноқонуний савдо ишлари тўхтатилди.
