Бугун, 11 май куни Ўш шаҳар мэри Жанарбек Акаев “Алимбек Датка” муниципал ҳудудий бошқармаси аҳолиси билан учрашув ўтказди.
Учрашувда шаҳар раҳбари маҳаллий аҳолининг саволларига жавоб бериб, тегишли раҳбарларга долзарб масалалар бўйича кўрсатмалар берди.
Аҳоли пиёдалар йўлакчаларини қуриш, канализация муаммоси, Токтагул мактаби учун қўшимча бино қуриш, йўлларда болалар хавфсизлиги, ёзги мавсумда каналлар хавфсизлигини ошириш чораларини сўради.
Бундан ташқари янги муниципал бозорга автобус йўналишлари сонини кўпайтириш таклиф қилинди.
Барча масалалар жойида кўриб чиқилиб, тегишли хизмат раҳбарларига муаммоларни ҳал қилиш бўйича топшириқлар берилди.
Йиғилиш давомида шаҳар раҳбари Жанарбек Акаев маъмурий-ҳудудий ислоҳот доирасида шаҳарга янги туманлар қўшилгандан кейин тоза сув ва чанг масаласи долзарблигича қолаётганини қўшимча қилди. Унинг сўзларига кўра, бу йўналишда тизимли ишлар олиб борилмоқда.
Маълумот учун:
Мэрнинг жамоатчилик билан учрашувлари барча шаҳар ҳудудий бошқармаларида давом этади.
