Фаолият юртимаётган юридик шахслар ва якка тартибдаги тадбиркорларни мажбурий рўйхатдан чиқариш тартиби давом этмоқда. Бу ҳақда Давлат солиқ хизмати хабар берди.
Маълумотга кўра, ушбу тадбир доирасида Солиқ хизмати расмий сайтида фаолият юртимаётган юридик шахслар ва якка тартибдаги тадбиркорларнинг янги рўйхати эълон қилинди.
Рўйхатга жами 21 584 солиқ тўловчи киритилган. Улардан 8 712 таси юридик шахслар ва 12 872 таси якка тартибдаги тадбиркорлардир.
Энди ҳудудий солиқ органларига 30 календар кундан кейин юридик шахсларни мажбурий тугатиш ва якка тартибдаги тадбиркорларни рўйхатдан чиқариш тартибини бошлашга рухсат берилади.
«Ушбу даврда кредиторлар ва бошқа манфаатдор томонлар, агар тегишли асослар ёки низолар мавжуд бўлса, мажбурий тугатиш ёки рўйхатдан чиқариш тартибини тугатиш тўғрисида солиқ органларига ариза билан мурожаат қилиш ҳуқуқига эга», – деб таъкидланади маълумотда.
Солиқ тўловчилар ушбу рўйхатни sti.gov.kg сайтининг «Бошқа бўлимлар» бўлимида ёки https://sti.gov.kg/section/0/tizme ҳаволаси орқали кўришлари мумкин.
