Аравонда депутат томонидан ташкил этилган яширин казино аниқланди
Бу ҳақда Миллий хавфсизлик давлат қўмитаси матбуот хизмати хабар берди.
Маълумотга кўра, махсус хизмат Ўш вилоятида ноқонуний фаолият юритаётган қиморхонани аниқлаб, уни ёпди.
Тергов давомида маълум бўлишича, Аравон туманининг ёр -Қишлоқ қишлоғида Тепа-Қўрғон қишлоқ кенгаши депутати Х. Ш. ва унинг яқин ҳамкори С. Ш. ҳеч қандай рухсатномасиз яширин казино ташкил қилишган.
Бундан ташқари, улар давлат бюджетига солиқ тўламаган.
Тинтув давомида ҳуқуқни муҳофаза қилиш органлари онлайн казино учун ишлатилган 11 та компьютер, 400 минг сом нақд пул ва бошқа тегишли жиҳозларни топиб, мусодара қилишди.
Натижада гумондорларга «Қимор ўйинларини ноқонуний ташкил этиш» моддаси бўйича айблов қўйилиб, Ўш шаҳар суди қарори билан МХДҚнинг тергов ҳибсхонасига қамоққа олинди.
