Яқин Шарқдаги вазият туфайли Қирғизистон Умра (кичик ҳаж) зиёратини вақтинча тўхтатди. Бу қарор хавфсизлик чораси сифатида қабул қилинди.
7 март куни Қирғизистон мусулмонлари диний бошқармасида идоралараро йиғилиш бўлиб ўтди, унда Яқин Шарқдаги вазият барқарорлашгунча қирғиз фуқаролари учун Умра зиёрати вақтинча тўхтатиб туриш тўғрисида қарор қабул қилинди. Бу ҳақда Муфтий ўринбосари Жолдошбек Абдилдаев Кабар агентлигига берган интервюсида билдирди.
«Компанияларга вақтинчалик саёҳатларни ташкил қилмаслик тавсия қилинди. Чунки у ердан фуқароларни эвакуация қилиш ишлари олиб борилмоқда ва уларни қайтариб юборишга ҳожат йўқ. Сафарларни қайта бошлаш вақти ҳам номаълум. Саёҳатни давом эттириш тўғрисидаги қарор давлат томонидан қабул қилинади», -деди у.
Айни пайтда, ҳаж зиёратни ташкил этиш белгиланган тартибда давом этмоқда. Ҳаж зиёрати май ойининг охири ёки июн ойининг бошида бўлиб ўтиши кутилмоқда.
«Саудия Арабистонидан ҳеч қандай баёнотлар бўлмади. Шунингдек, унинг бўлмай қолиши мумкинлиги ҳақида ҳам маълумот йўқ», -деди вазир ўринбосари.
