Президент Садир Жапаров йўл ҳаракати қоидаларини бузган ҳайдовчиларни жойида текшириш тўғрисидаги қонун лойиҳаси Жогорку Кенешдан қайтариб олинганини айтди.
Унинг сўзларига кўра, бу ташаббус умуман тўғри, аммо уни жорий этишга ҳали эрта. Чунки биринчи навбатда, йўл ҳаракати милицияси ходимларининг тайёргарлигини ошириш керак.
Давлат раҳбари бундай чоранинг асосий мақсади йўл-транспорт ҳодисаларини камайтириш ва ҳайдовчиларнинг йўл ҳаракати қоидаларини яхши билишини таъминлаш эканлигини таъкидлади.
У шунингдек, илгари ҳайдовчилик гувоҳномаларини сотиб олиш ҳолатлари кўп бўлганини, бу эса йўл-транспорт ҳодисаларининг кўпайишига олиб келганини айтди.
