Президент Садир Жапаров Яқин Шарқ мамлакатларида қолиб кетган ва уйига қайта олмаган Қирғизистон фуқароларини эвакуация қилиш бўйича ишлар давом этаётганини айтди.
Унинг сўзларига кўра, Бирлашган Араб Амирликларида парвозлар тақиқлангани сабабли, Уммон давлати билан музокаралар олиб борилди ва 300 нафар фуқарони иккита чартер самолёти орқали эвакуация қилиш бўйича келишувга эришилди.
“Агар БААдан учишга рухсат берилса, биз қолган фуқароларимизни бир кун ичида эвакуация қила оламиз”, -деб ёзган президент.
Маълумотларга кўра, аввало ёш болалар ва аёллар Уммон орқали эвакуация қилинади.
Давлат раҳбари фуқароларни сабрли бўлишга чақирди.
