Ўш вилояти маъмурий судининг бир қатор ходимлари ҳужжатларни сохталаштириш ва «сохта ходимларни» ёллаш факти бўйича ҳибсга олинди.
Бу ҳақда Миллий хавфсизлик давлат қўмитаси хабар берди.
Маълумотга кўра, суд ходимлари О.Н.О., А.у.Б. ва К.у.Б. ўз хизмат лавозимларини суиистеъмол қилишган, суд тизимида аслида ишламайдиган шахсларни расмий ходим сифатида рўйхатдан ўтказишган ва уларнинг меҳнат фаолияти ҳақида атайлаб ёлғон маълумотлар киритишган.
Ушбу ҳаракатлар натижасида давлатга катта миқдордаги моддий зарар етказилган ва суд ҳокимиятининг обрўсига жиддий путур етказилган. Шунингдек, суд ҳамжамиятида салбий ахлоқий ва психологик вазият юзага келгани қайд этилган.
Юқоридаги фактлар бўйича «хизмат лавозимини суиистеъмол қилиш» моддаси бўйича жиноий иш қўзғатилган.
Унинг доирасида Ўш вилояти маъмурий суди девони раҳбари ва масъул ходимлар ҳибсга олиниб, Миллий хавфсизлик давлат қўмитасининг тергов ҳибсхонасига жойлаштирилган.
Ҳозирда тергов давом этмоқда.
