2026 йилдан бошлаб ҳайдовчиларни тайёрлайдиган хусусий мактаблар ёпилади ва давлат мактаблари очилади. Бу маълумотни президент маъмуриятининг бошлиғи Канибек Туманбаев билдирди.
«Энди бу ҳайдовчилик гувоҳномасини олиш учун 2 ой ўқишга ўхшамайди. Ҳар бир мавсум учун имтиҳонлар топширилади. У ерда шина алмаштиришгача ўқитилади. Янги йил олдидан қўшимча маълумот берилади»,- деди у.
Унинг сўзларига кўра, ҳайдовчиларни ўқитиш тизимини ислоҳ қилиш доирасида ҳайдовчиларни ўқитишни тўлиқ давлат назоратига ўтказиш режалаштирилган.
«16 ёшдан ошган мактаб ўқувчилари муниципал мактабларида, катталар эса давлат ҳайдовчилик мактабларида ўқитилади», -дея таъкидлади Туманбаев.
Илгари ҳукумат амалдорлари ҳайдовчиларни ўқитиш сифати устидан назоратни кучайтириш ва йўл ҳаракати хавфсизлигини яхшилаш зарурлиги ҳақида бир неча бор гапиришган.
