Қирғизистон Марказий сайлов комиссияси раиси Тинчтик Шайназаров номзодларни сайлов қонунчилигига риоя қилишлари ҳақида огоҳлантирди.
У 8 октябрь куни бўлиб ўтган матбуот анжуманида сайловолди ташвиқотини расмий муддатдан олдин ўтказиш ноқонуний эканини таъкидлади.
“Президент қарори қабул қилинган кундан бошлаб, яъни 30 сентябрдан бошлаб ҳар қандай сайловолди ташвиқоти фаолияти қонунга зиддир”, – деди Шайназаров.
МСК маълумотларига кўра, сайловолди ташвиқоти расман 10 ноябрдан бошланади, шундан кейингина номзодлар жамоатчилик билан учрашувлар, реклама ва бошқа тадбирларни қонуний асосда ўтказишлари мумкин.
