Марказий сайлов комиссияси (МСК) Жогорку Кенешга навбатдан ташқари сайловда иштирок этиш ниятида бўлган сиёсий партиялар бу ҳақда уч календар кун ичида ёзма равишда хабардор қилиши кераклигини маълум қилди.
Маълумотларга кўра, “Президент ва Жогорку Кенеш депутатлари сайлови тўғрисида”ги конституциявий қонун талабларига мувофиқ, партиялар ўз номзодларини кўрсатиш ниятларини расман билдиришлари ва қуйидаги ҳужжатларни тақдим этишлари шарт:
• рўйхатдан ўтганлик гувоҳномасининг нусхаси;
• уставнинг нотариал тасдиқланган нусхаси;
• партия етакчиси ва ваколатли вакилларининг паспортлари;
• аризалар ва вакиллар рўйхати.
Хабарнома партия етакчиси томонидан имзоланиши ва муҳр билан тасдиқланган бўлиши керак.
Эслатиб ўтамиз, 25 сентябрь куни Жогорку Кенеш ўзини-ўзи тарқатиб юборишга қарор қилган эди.
