Ҳайдовчилик гувоҳномани алмаштириш онлайн режимда амалга оширилади.
Қирғизистон Вазирлар маҳкамасининг «акселераторлор» дастури доирасида ҳайдовчилик гувоҳномасини алмаштириш жараёнини соддалаштириш бўйича янги ислоҳот бошланди.
Бу ҳақда Вазирлар Маҳкамаси раиси Адилбек Касималиев Президент Администрациясидаги йиғилишда маълум қилди.
Эндиликда ҳайдовчилик гувоҳномасини алмаштириш учун қоғоз ҳужжатлар йиғиш ва муассасаларда навбат кутишга ҳожат қолмайди. Жараён тўлиқ онлайн тарзда – «Тундук» иловаси орқали 5-10 дақиқада якунланади.
Касималиевнинг сўзларига кўра, амалдаги тизим 4 иш кунигача вақт олади ва фуқаролар ортиқча бюрократик тўсиқларга дуч келмоқда.
2024 йилда 54 мингдан ортиқ фуқаро лицензиясини алмаштирган бўлса, 2025 йилнинг олти ойида бу кўрсаткич 47 мингдан ошди. Бу юқори талаб ва жараённи зудлик билан модернизация қилиш заруратидан далолат беради.
Вазирлар маҳкамаси ушбу ислоҳотни 100 кун ичида амалга оширишни мақсад қилган.
