Президентнинг Жалолобод вилоятидаги вакили Aбсаттор Сирғабоев AҚШнинг 10 та университетига ўқишга кирган ва 1 миллион доллар грант ютиб олган битирувчи Тенизбек Тўқтўмушевни қабул қилди.
Вилоят ҳокимлигидан маълум қилишича, Тенизбек Қурмонбек Ботир номидаги қирғиз-турк лицейини тамомлаган.
Сирғабоев бу кўрсаткич вилоятнинг таълим соҳасида эришган катта ютуғи эканлигини таъкидлаб, Тўқтўмушев Тенизбекга ўқишларида муваффақиятлар тилади.
Тенизбек 2006 йилда Жалолобод шаҳрида туғилган. 7-синфгача С.Давлетов номидаги 14-умумий ўрта таълим мактабида, сўнгра Қурмонбек Ботир номидаги Қирғиз-турк лицейида таҳсил олган.
