Бу ҳақида Жўқорғу Кенеш спикери Нурланбек Шакиев 7 сентябрь куни бўлиб ўтган парламент йиғилишида айтиб ўтган.
“АҚШ элчихонаси ва ҳуқумати билан музокаралар олиб борилмоқда ва яқин ойларда бу борада ижобий қарор қабул қилинади. Фуқароларимизга виза бериш тартибини осонлаштиришади, виза муддатини ҳам 5-10 йилгача узайтиришади. Худо хоҳласа, тез орада масала ҳал бўлади”, — деган спикер.
Аввалроқ депутат Суюнбек Омурзоқовнинг АҚШ университетларига ўқишга кирган қирғизистонликларга АҚШ визаси тўлиқ ўқиш даврига эмас, фақат бир йилга берилаётганидан шикоят қилган эди. Депутат виза муддатини узайтириш учун ҳар йили Қирғизистонга қайтишга мажбур бўлаётган талабалардан кўплаб шикоятлар тушаётганини айтган.
Қирғизистон ТИВ 2022 йилнинг сентябрь ойида Қирғизистоннинг АҚШдаги элчиси АҚШ Давлат котибининг Жанубий Осиё ва Марказий Осиё бўйича ёрдамчиси ўринбосари Брайан Стиммлер билан АҚШ визаларини беришни осонлаштиришни ва виза муддатини 5 йилдан 10 йилгача узайтиришни муҳокама қилганини билдирган эди. Элчи, шунингдек, АҚШда ўқиётган талабаларга виза беришни соддалаштиришни ҳам сўраган.
Кейинроқ АҚШнинг Қирғизистондаги элчихонаси виза олиш учун кутиш вақтини қисқартириш учун барча имкониятларни ишга солаётганини маълум қилган эди.
