Ўзбек шоу-бизнеси вакилларидан бири “Дўстлик” чегарасидаги порахўрлик бўйича журналистик суриштирувим ҳақида фикр билдириб, видео мурожаат қилиб чиқибди. Мен уни исмини айтиб реклама қилмоқчи эмасман.
Унинг сўзларига кўра, у ҳар ой «Дўстлик» постдан ўтармиш ва бир марта ҳам ундан пул олишмаган экан. Албатта, у «таниқли артист» бўлса, ундан ким ҳам пул олиши мумкин? У менинг фамилиямни нотўғри айтиб, мени бу муаммони кўтармасликка даъват қилибди.
Шоу-бизнес вакили ёки таниши кундузи “Дўстлик” чегарасини кесиб ўтаётганини видеога ҳам олиб, бу ерда ҳаммаси яхши, ҳеч қандай муаммо йўқ, дея изоҳ берган. Албатта, чегарада кундузи ҳаммаси яхши.
Ким қўшни давлат фуқаросига Қирғизистон чегара постини ва унда ишлаётган ходимларни, стратегик обектини очиқ видео тасвирга олишга рухсат берди? Бу ерда видео ва суратга олиш тақиқлангани ҳақида огоҳланитув ёзуви турибди-ку?
Агар у менинг суриштирувим видеосини эътибор билан кўрганида эди, у ерда ўз юртдошлари Россиядан, Истанбулдан Ўшга учиб келиб, тунда чегарани кесиб ўтаётганида улардан пул олганликларини маълум қилишаётганини кўрган бўларди.
Мени ғазаблантирган нарса, одамлар суриштирув видеоимнинг тафсилотларига эътибор бермай, ақлли бўлаётгани. Агар чегарачилар “артистдан” пул олмаган бўлса, у дегани бошқа инсонлардан ҳам пул олмаяпти дегани эмас.
