Олий Кенгаш спикери Достонбек Жумабеков фавқулодда парламент йиғилиши чақирилиши тўғрисида депутатлар Наталя Никитенко, Рискелди Мўмбеков ва Жанар Ақаевдан хат олган. Бу ҳақда парламент матбуот хизмати хабар берди.
Таъкидланишича, Олий Кенгаш қоидаларига кўра, парламент мажлислари оралиғида спикер фақат президент, ҳукумат ёки Олий Кенгаш депутатларининг камида учдан бир қисми таклифига биноан навбатдан ташқари йиғин ўтказиш ҳуқуқига эга.
«Бошқача айтганда, , Олий Кенгаш депутатларининг камида учдан бир қисми юқорида кўрсатилган депутатлар таклифига қўшилиши керак», дея тушунтирди парламент матбуот хизмати.
Аввалроқ депутат Жанар Ақаев мамлакатдаги эпидемиологик вазият муносабати билан , Олий Кенгашнинг навбатдан ташқари йиғилиши ўтказилиши кераклигини айтганди. Унинг сўзларига кўра, илгари ҳукумат томонидан КОВИД-19 га қарши курашишга тайёрлиги тўғрисида берилган маълумот нотўғри бўлиб чиқди ва мамлакатда вазият ёмонлашмоқда.
Қирғизистонда аниқланган тожливирусдан хасталанганларнинг умумий сони 11388 га етди, улардан 3569 нафари даволанишдан сўнг касалхонадан чиқарилиб, 149 киши эса вафот этган.
Шу билан бирга, зотилжам билан оғриган беморлар орасида ўлим ҳоллари кўпаймоқда. Умумий олганда, март ойидан бери жамоатчилик томонидан қабул қилинган зотилжамдан 497 бемор вафот этди.
