Бугун Ўш шаҳар мэри Жанарбек Акаев янгиланган автовокзалга ташриф буюриб, йўловчилар учун яратилган янги шароитлар билан танишди.
Автовокзални реконструкция қилиш ишлари шаҳар аҳолиси ва йўловчиларнинг талаб ва эҳтиёжларини инобатга олган ҳолда амалга оширилиб, уларнинг қулайлиги учун зарур бўлган барча шароитлар яратилди.
Бажарилган ишлар доирасида бинодаги ички хоналар таъмирланди, йўловчилар учун кутиш заллари, вақтинчалик ётоқхона, кийим-кечак дўкони ҳамда санитария хоналари ташкил этилди.
Энди автовокзал фақат йўлга чиқиш жойи эмас, балки йўловчилар вақтини қулай ўтказиши ва зарур хизматлардан фойдаланиши мумкин бўлган замонавий масканга айланди.
