Ўзбекистонга амалий ташриф билан борган Вазирлар Маҳкамаси Раиси Адилбек Касималиев Ўзбекистон Президенти Шавкат Мирзиёев билан учрашди.
Учрашувда Вазирлар Маҳкамаси Раиси Шавкат Мирзиёевга Қирғизистон Президенти Садир Жапаровнинг самимий саломларини етказиб, Ўзбекистон билан кенг қамровли стратегик шерикликни ривожлантириш ва яхши қўшничилик муносабатларини мустаҳкамлаш Қирғизистон ташқи сиёсатининг устувор йўналишларидан бири эканлигини таъкидлади.
Учрашувда икки давлат ўртасида савдо-иқтисодий, инвестиция, энергетика, маданий ва гуманитар соҳаларда қўшма лойиҳалар ва ташаббуслар фаол илгари сурилаётгани, минтақалараро ҳамкорлик ривожланаётгани ва тегишли Йўл хариталарида тасдиқланган келишувлар муваффақиятли амалга оширилаётгани таъкидланди.
Бундан ташқари, учрашувда жорий йилда Қирғизистон ва Ўзбекистон иштирокида юқори даражадаги икки томонлама учрашувлар, тадбирлар, шунингдек, муҳим кўп томонлама тадбирлар режалаштирилгани, Қирғизистон томони уларни ташкил этишга фаол тайёргарлик кўраётгани ва улар доирасида бир қатор ҳужжатлар имзоланиши таъкидланди.
Шуни таъкидлаш жоизки, икки томонлама учрашув V Тошкент халқаро инвестиция форуми доирасида бўлиб ўтди.
