Бу йилги Жаҳон чемпионати бошланишидан эллик кун олдин ФИФА чипталар савдосининг якуний босқичини бошлади. Бу ҳақда Рейтер агентлигига таяниб, Казинформ хабар берди.
Маълумотга кўра, барча 104 та ўйин учун чипталар навбат билан сотилади.
ФИФА маълумотларига кўра, бугунги кунга қадар тахминан 7 миллион чиптадан 5 миллиондан ортиғи сотилган.
Ташкилотнинг таъкидлашича, қўшимча чипталар 19 июл куни бўлиб ўтадиган финалгача, бўш ўринлар сонига қараб сотилади.
2026 йилги Жаҳон чемпионати финали учун энг қиммат чиптанинг нархи 10 990 долларга етганлиги хабар қилинган.
Шуни таъкидлаш керакки, Жаҳон чемпионати ўйинлари 11 июнда АҚШ, Мексика ва Канадада бошланади.
