Қирғизистон Меҳнат, ижтимоий таъминот ва миграция вазирлиги янги Меҳнат кодексига киритилган ўзгаришлар ҳақида огоҳлантирди.
Маълумотга кўра, агар иш берувчи иш ҳақи, таътил тўлови, ишдан бўшатиш нафақаси ёки бошқа тўловларни кечиктирса, у кечиктирилган ҳар бир календар куни учун тўланмаган сумманинг 0,25% миқдорида жарима тўлаши шарт.
Ходимнинг судга шикоят қилиш муддати ҳам 3 йил қилиб белгиланган.
Бу муддат иш ҳақи тўланиши керак бўлган кундан бошлаб ҳисобланади.
Вазирлик иш берувчиларни меҳнат қонунчилигига қатъий риоя қилишга, фуқароларни эса ўз ҳуқуқларини билишга ва ҳимоя қилишга чақиради.
